ترال: نئی بستی میں سرچ آپریشن پرامن طور پر ختم

عسکریت پسندوں کی موجودگی کی خفیہ اطلاعات کے بعد سکیورٹی فورسز نے ترال ٹاؤن کے نئی بستی علاقے کو محاصرہ میں لیا تھا۔ گھر گھر تلاشی لی گئی لیکن یہ تلاشی مہم پرامن طریقے سے ختم ہوگئی ہے۔

جموں و کشمیر کے ضلع پلوامہ کے ترال شہر کے نئی بستی علاقے میں سکیورٹی فورسز نے سرچ آپریشن شروع کیا تھا۔

علاقے میں عسکریت پسندوں کی موجودگی کی خفیہ اطلاعات کے بعد سکیورٹی فورسز نے ترال ٹاؤن کے نئی بستی کو محاصرہ میں لیا۔

اس دوران نئی بستی کے تمام داخلی اور خارجی راستوں پر پہرے بٹھا دیے گئے ہیں اور گھر گھر تلاشی لی گئی۔

تازہ ترین اطلاعات کے مطابق سرچ آپریشن پرامن طریقے سے ختم ہوگیا اور کسی طرح کا کوئی ناخوشگوار واقعہ پیش نہیں آیا۔