چناردرخت کی شاخ گرنے سے اسکول کی چھت منہدم

ڈاڈہ سرہ ترال میں چنار درخت کی شاخ گرنے سے ایک اسکول کی چھت منہدم ہوگئی۔ اس حادثے میں کسی جانی نقصان کی کوئی اطلاع نہیں ہے۔ مقامی لوگوں نے انتظامیہ سے اسکول کے قریب موجود چنار درخت کی شاخوں کو کاٹنے کی اپیل کی ہے۔

ترال: جنوبی کشمیر کے ترال علاقے میں آج سہ پہر تیز ہوائیں چلنے سے ڈاڈسرہ گاؤں میں قائم گورنمنٹ گرلز ہائی اسکول کے چھت پر چنار کے درخت کی ایک بڑی شاخ گر گئی، جس کی وجہ سے اسکول کی چھت منہدم ہوگئی، لیکن اس حادثے میں کسی جانی نقصان کی کوئی اطلاع نہیں ہے۔

مقامی لوگوں کے مطابق اسکول کے نزدیک ہی چنار کے درخت موجود ہیں جس کی وجہ سے کسی بھی وقت کوئی حادثہ پیش آسکتا ہے، لہذا ان درختوں کو جلد از جلد کاٹا جانا چاہیے۔ وہیں بی جے پی کے ترجمان الطاف ٹھاکر نے ضلع ترقیاتی کمشنر پلوامہ سے اپیل کی کہ ڈاڈہ سرہ کے اس اسکول کے نزدیک چنار کی شاخ تراشی جائے تاکہ کوئی حادثہ رونما نہ ہو سکے۔