ضلع بانڈی پورہ کے چک گنستان علاقے کی سڑکیں زیر آب ہیں اور جب سے برفباری ہوئی ہے تب سے پانی کی نکاسی کے لئے کوئی ٹھوس اقدامات نہیں اٹھائے گئے ہیں جس کی وجہ سے سڑکوں کی حالت بہت ہی خراب ہوگئی ہے۔
خستہ حال سڑک پر جگہ جگہ بڑے اور گہرے گھڑے ہو گئے ہیں جن میں پانی جمع ہوگیا ہے نتیجتاً یہاں سے گاڑی ہو یا پیدل دونوں صورتوں میں مرور و عبور دشوار بن گیا ہے۔
بانڈی پورہ: چک گنستان کی خستہ حال سڑکیں برفباری کے بعد مزید خستہ
مذکورہ علاقے میں سڑکوں کی حالت پہلے سے ہی ابتر تھی تاہم پچھلی دفعہ ہوئی برفباری اور بارشوں کی وجہ سے وہ مزید خراب ہوگئی ہیں گھڑوں میں جمع گندا پانی نہ صرف راہگیروں بلکہ مقامی آبادی کے لیے بھی باعث عذاب بن چکا ہے۔
مقامی آبادی نے مطالبہ کیا ہے کہ علاقے میں سڑکوں کی تعمیر کے لئے جلد سے جلد کام شروع کیا جانا چاہئے تاکہ انہیں ان مشکلات سے نجات مل سکے۔
