بنیادی حقوق سے متعلق بیداری پروگرم

لیگل سروسز اتھارٹی پلوامہ کی جانب سے آج پرنسپل اینڈ سیشن جج محمد ابراہیم کی صدارت میں بنیادی حقوق کے حوالے سے ایک جانکاری پروگرام کا اہتمام کیا گیا۔

پروگرام میں پرنسپل اینڈ سیشن جج محمد ابراہیم نے مہمان خصوصی کے طور شرکت کی جبکہ چیف جوڈیشیل مجسٹریٹ پلوامہ خورشید اسلام اور دیگر کورٹ عملے نے بھی پروگرام میں حصہ لیا۔

اس موقع پر ماہرین نے بنیادی حقوق و فرائض کے حوالے سے جانکاری فراہم کی۔

انہوں نے کہا کہ 'بنیادی حقوق و فرائض کی قدر کرنا ہی بڑی کامیابی ہے اور ہر فرد کو چاہیے کہ وہ بنیادی حقوق و فراٸض کو سمجھے۔'

انہوں نے بتایا کہ 'اس پروگرام کا مقصد بنیادی حقوق کی حقیت کو لوگوں تک پہنچانا تھا تاکہ ہر فرد اپنے حقوق و فراٸض کو سمجھے اور زندگی کو کامیابی کے ساتھ آگے بڑھائے۔'