محکمہ سریکلچر (J&K Sericulture department) کی جانب سے جنوبی کشمیر کے ضلع پلوامہ کے ٹاؤن ہال، اونتی پورہ میں ایک روزہ آگاہی کیمپ کا انعقاد کیا گیا، جس میں ابریشم صنعت سے وابستہ کسانوں کی خاصی تعداد نے شرکت کی۔
اس موقع پر پلوامہ ضلع کے پچہتر (75) کاشتکاروں میں مختلف اسکیموں کے تحت چیک بھی تقسیم کیے گئے۔
میڈیا سے بات کرتے ہوئے ڈائیریکٹر سریکلچر (J&K Sericulture department) نے بتایا کہ ابریشم صنعت سے وابستہ کسانوں کے لیے انہوں نے ایک اسکیم لانچ کی ہے جس کے تحت ’’جو کسان ریشم کی پیداوار میں جتنا اضافہ کرے گا اسکو اتنا بڑا انعام دیا جائے گا۔‘‘
مزید پڑھیں: IUST Awantipora: اونتی پورہ اسلامک یونیورسٹی میں میگا اسپورٹس میلے کا اہتمام کیا گیا
انہوں نے مزید کہا کہ ابریشم صنعت کا دائرہ بڑھانے کے لیے محکمہ سیریکلر (J&K Sericulture department) وعدہ بند ہے اور آنے والے سیزن میں شہتوت کے درختوں کی بڑے پیمانے پر شجرکاری کی جائے گی۔
آگاہی پروگرام میں ڈی ڈی سی کونسل پلوامہ کے چیرمین سید باری اندرابی، ڈائریکٹر سیریکلچر کشمیر، ایڈشنل ڈائیریکٹر دیریکلچر، ڈسٹرکٹ سریکلچر آفیسر پلوامہ سمیت ڈی ڈی سی ممبر ترال ڈاکٹر ہر بخش سنگھ بھی موجود تھے۔
