منشیات کی بڑھتی وبا کے مضر اثرات سے بچنے اور عوام الناس تک صحیح جانکاری فراہم کرنے کی غرض سے ضلع پلوامہ کے ڈگری کالج ترال میں ایک سیمنار کا اہتمام کیا گیا۔
سیمنار میں ڈگری کالج ترال کے طلباء سمیت سٹاف ممبران اور وادی کے دیگر اضلاع سے مدعو کیے گئے ماہرین نے شرکت کی۔
اس موقع پر وادی کشمیر کے مختلف اداروں سے وابستہ ماہرین نے منشیات کے مضر اثرات پر تفصیلی روشنی ڈالی، اور منشیات کو ختم کرنے کے لیے احتیاطی تدابیر اختیار کرنے کی ضرورت پر زور دیا۔
مزید پڑھیں: اونتی پورہ۔اسلامک یونیورسٹی میں ویجلینس ہفتے کی مناسبت سے پروگرام
کالج کے پرنسپل پروفیسر محمد فاروق میر نے کہا ہے کہ پروگرام کا مقصد نوجوانوں کو منشیات سے دور رکھنا ہے، کیونکہ ’’نئی نسل ہی ہمارا مستقبل ہے اور ہمیں اس نسل کی فکر ضرور کرنی چاہئے۔‘‘
انہوں نے مزید کہا کہ معاشرے سے منشیات کی وبا کے خاتمے اور عوامی میں آگہی کے لیے کالج میں مستقبل میں بھی ایسے آگاہی پروگرام منعقد ہوں گے۔
