مقامی لوگوں نے اگرچہ بندشوں کو جائز قرار دیا ہے تاہم انہوں نے الزام لگایا کہ انتظامیہ نے پورے گاؤں کی سلامتی کو داو پر لگایا ہے کیونکہ گاوں میں اشیائے خوردنی کی قلت اور میڈیکل ایمرجنسی کو انتظامیہ نے خاطر میں نہیں لایا ہے جسکی وجہ سے مقامی آبادی کو سخت مشکلات درپیش ہیں ایک خاتون نے ای ٹی وی بھارت کو بتایا کہ انتظامیہ کے اہلکاروں نے روڈ کو مکمل بند کر کے آبادی کو خدا کے رحم و کرم پر چھوڑا ہے۔
ایک اور شہری ہلال احمد نے ای ٹی وی بھارت کو بتایا کہ کہ چند میٹر کی دوری پر اونتی پورہ اسپتال تک پہنچنے کے لیے انکو بارسو کے راستے سے جانا پڑتا ہے جو بسا اوقات بیماروں کے لیے خطرناک ثابت ہو سکتا ہے۔
ایڈشینل ڈپٹی کمشنر اونتی پورہ نے کیمرے کے پیچھے دعوٰی کیا کہ انتظامیہ نے لوگوں کی سلامتی کے لیے ہی جوبیارہ کو ریڈ زون قرار دیا ہے تاہم آبادی کو درپیش مشکلات سے انتظامیہ بے بہرہ نہیں ہےلوگ کہتے ہیں کہ اگر انتظامیہ سچ بول رہا ہے تو کیمرے کے سامنے آنے سے آفسران کیوں کترا رہے ہیں
