لیتہ پورہ سانحہ میں ہلاک شدہ سپاہیوں کو بی جے پی کی جانب سے خراج عقیدت پیش کی گئی۔ آج اس حملے کے دو برس مکمل ہو گئے۔ اس موقع پر بی جے پی کے رہنما نے کہا کہ آج ہلاک شدگان کے اہل خانہ کے ساتھ بی جے پی ہی نہیں بلکہ پورا ملک کھڑا ہے۔
بی جے پی کے سینئر لیڈر محمد یعقوب ملک نے میڈیا سے بات کرتے ہوئے کہا کہ ملک کی سلامتی کے لیے ان جوانوں نے جو قربانیاں دی ہیں وہ ناقابلِ فراموش ہیں۔
انہوں نے کہا کہ بھارتیہ جنتا پارٹی لیتہ پورہ میں ہلاک ہوئے سپاہیوں کو خراج عقیدت پیش کرتی ہے اور ملک کے ہر شہری کو یقین دلاتی ہے کہ ملک کی سلامتی پر کوئی سمجھوتہ نہیں ہوگا۔
یہ بھی پڑھیں: پلوامہ حملے کے دو سال مکمل
محمد یعقوب ملک نے بتایا کہ 'بی جے پی نے اس مقام پر آکر اس نے یہ واضح پیغام دیا ہے کہ بی جے پی وطن پر زندگی قربان کرنے والے بہادروں اور ان کے اہل خانہ کو سلام پیش کرتی ہے'۔
