لیفٹیننٹ گورنر کے مشیر بصیر احمد خان نے ضلع ترقیاتی کمشنر پلوامہ، بصیر الحق چودھری کے ہمراہ ضلع پلوامہ کے شار شالی علاقے کے وہاب صاحب گاؤں کا دورہ کیا، جہاں انہوں نے عوامی دربار میں شرکت کی۔ شار شالی علاقے میں منعقد کیے گئے عوامی دربار میں علاقے کے درجنوں باشندوں نے شرکت کی۔
مقامی باشندوں نے علاقے میں پانی، بجلی اور سڑکوں کے حوالے سے لوگوں کو درپیش مشکلات سے لیفٹیننٹ گورنر کے مشیر کو آگاہ کیا۔
مشیر نے لوگوں کو یقین دہانی کی کہ عوام کے جائز مطالبات کو ترجیحی بنیادوں پر حل کیا جائے گا۔
بصیر احمد خان نے وہاب صاحب علاقے میں کرکٹ گراؤنڈ کی تعمیر کا اعلان کرنے کے علاوہ علاقے کو سیاحتی نقشے پر لانے کی بھی یقین دہانی کی۔
عوامی دربار کے بعد مشیر نے شار شالی علاقے میں 6.3 میگا واٹ رسیونگ سٹیشن پر جاری کام کاج کا بھی جائزہ لیا۔
- یہ بھی پڑھیں:ترال: فوج کی جانب سے زد و کوب کرنے کا مبینہ الزام
انہوں نے افسروں کو تعمیراتی کام میں سرعت لاکر مقررہ وقت پر کام کو مکمل کرنے کی تلقین کی۔
