پلوامہ: جموں و کشمیر کے ضلع پلوامہ کے حاجی بل، کاکاپورہ میں مناسب جگہ موجود نہ ہونے کی وجہ سے جہاں طلباء کو سخت دقتوں کا سامنا ہے وہیں اب والدین بھی اس معاملے کو لیکر احتجاج بلند کرنے پر مجبور ہیں۔تاہم محکمہ تعلیم جان بوجھ کر انجان بننے کی کوشش کر رہا ہے۔ اسکول میں زیر تعلیم طلباء کا کہنا ہے کہ انہیں اسکول میں تعلیم حاصل کرنے میں مشکلات درپیش ہے کیوں کہ جب بارش ہوتی ہے تو انہیں چھٹی دے دی جاتی ہے اور یہاں بچوں کو کھیلنے کے لیے گروانڈ بھی نہیں۔ Government Middle School Running in Two Rooms
طلبا کے والدین نے محکمہ تعلیم کو ہدف تنقید بناتے ہوئے کہا کہ یہاں ان کے بچوں کا مستقبل روشن ہونے کے بجائے تاریک بن رہا ہے انہوں نے الزام عائد کیا کہ الیکشن کے موقع پر، سیاستداں ووٹ لینے کے لیے وعدے تو کرتے ہیں لیکن بعد میں وعدے وفاء نہیں ہوتے۔
وہیں اسکول میں تعینات ایک ٹیچر سجاد احمد نے بتایا کہ محض دو کمروں میں نو کلاسوں کو پڑھانا ان کے لیے بھی درد سر بنا ہوا ہے اور وہ اپنے فرائض خوش اسلوبی سے انجام نہیں دے پاتے ان کا مزید کہنا تھا کہ انہوں نے محکمہ کو کئی مرتبہ اس ضمن میں آگاہ کیا لیکن بے سود ثابت ہوا۔ Government Middle School Running in Two Rooms
ای ٹی وی بھارت نے اس ضمن میں جب چیف ایجوکیشن آفیسر پلوامہ نذیر احمد ریشی سے فون پر استفسار کیا تو انھوں نے بتایا کہ ضلع بھر کے کئی اسکول میں مناسب جگہ کا فقدان ہے اور وہ اس بارے میں اقدامات کر رہے ہیں۔
یہ بھی پڑھیں : Hajibal Letpora Lacks Basic Facilities : حاجی بل گاؤں بنیادی سہولیات سے محروم
