جموں و کشمیر کے ترال میں وایلڈ لایف اہلکار آج غار میں پناہ لیے ایک ریچ کو دبوچنے میں کامیاب رہے۔ ریچ کو پکڑنے کی کاروائی کے دوران مقامی لوگوں کا ہجوم جمع ہوگیا جس کے بعد محکمہ کی جانب سے پولیس کی نفری کو بلایا گیا۔
پولیس نے موقع پر پہنچ کر ہجوم کو منتشر کردیا، جس کے بعد محکمہ وایلڈ لایف کے اہلکاروں نے غار میں چھپے ریچ کو بیہوش کرکے قابو میں کرلیا جبکہ مقامی افراد نے علاقہ میں مزید ریچھوں کے گھومنے کی شکایت کی اور انہیں فوری پکڑنے کا محکمہ سے مطالبہ کیا۔
یہ بھی پڑھیں:
ترال: رابطہ پل ڈہہ جانے کے سبب لوگوں کو مشکلات
ای ٹی وی بھارت سے بات کرتے ہوئے وایلڈ لایف ترال کے عہدیدار محمد یوسف نے بتایا کہ ریچھ کی اطلاع ملنے کے بعد وہ اپنی ٹیم کے ساتھ امیرآباد پہنچ گئے اور ایک بڑے ریچھ کو قابو میں کرلیا۔ انہوں نے عوام سے جنگلی جانوروں کے ساتھ چھیڑ چھاڑ نہ کرنے کی بھی اپیل کی۔ انہوں نے جنگلی جانوروں سے متعلق فوری طور پر محکمہ کو اطلاع دینے کی بھی عوام سے خواہش کی۔
