پلوامہ میں ایک بجے تک 6.9 فیصد پولنگ

جموں و کشمیر میں ڈی ڈی سی انتخابات کے دوسرے مرحلے کے تحت 43 حلقوں میں ووٹنگ کا عمل آج صبح سات بجے سے جاری ہے۔

جموں و کشمیر میں ڈی ڈی سی الیکشن کے دوسرے مرحلے کا آج آغاز ہوا ہے۔ جموں و کشمیر کے ساتھ ساتھ پلوامہ کے شادی مرگ بلاک میں بھی ڈی ڈی سی الیکشن چل رہا ہے۔

شادی مرگ کے کئی سارے پولنگ اسٹیشن پر کوئی بھی ووٹ نہیں ڈالا گیا تھا جن میں راجپورہ، نکس، چندپورہ، پولنگ اسٹیشن قابلِ ذکر ہیں۔

مقامی لوگوں کا کہنا تھا کہ وہ اس الیکشن میں حصہ اس لیے نہیں لے رہے ہیں کیونکہ نہ ہی یہاں کسی طرح کا کوئی ڈیولپمنٹ ہو رہا ہے اور نہ ہی کچھ اور، لہذا ان انتخابات میں ووٹ ڈالنے کا کوئی فائدہ نہیں ہے۔