کورونا لاک ڈاؤن: پانپور میں 5 دکانیں سربہ مہر

جموں و کشمیر کے ضلع پلوامہ کے قصبہ میں انتظامیہ نے لاک ڈاؤن کی خلاف ورزی کرنے پر 5 دکانوں کو سیل کر دیا۔

قصبہ پانپور میں آج ریونیو ڈپارٹمنٹ اور پولیس نے مشترکہ طور ایک مہم چلائی، جس کے تحت قصبہ پانپور اور لیتہ پورہ میں لاک ڈاؤن اصولوں کی خلاف ورزی کرنے والے 5 دکانداروں کی دکانیں سیل کر دی گٸ ہے۔ جبکہ متعدد افراد سے اصولوں کی خلاف ورزی کرنے اور ماسک نہ پہننے پر 5 ہزار روپیہ رقم جرمانہ کے طور پر وصول کیا گیا ہے۔

ناٸب تحصیلدار اور ان کے ہمراہ دیگر افسروں نے قصبہ پانپور کے مختلف ریڑزون علاقوں کا بھی دورہ کیا جہاں انہوں نے کام کاج کو فوری طور بند کروایا اور کام کرنے والوں سے تمام آلات چھین کر ان آلات کو اپنی تحویل میں لے لیا۔اس سلسلے میں ناٸب تحصیلدار پانپور نے لوگوں سے انتباہ کیا ہے کہ وہ انتظامیہ کی طرف سے جاری کردہ ایڑواٸزری پر عمل کریں، بصورت دیگر ان کے خلاف سخت سے سخت کاروائی عمل میں لائی جائے گی۔دریں اثنإ ضلع انتظامیہ پلوامہ نے موجودہ صورتحال کے پیش نظر لاک ڈون کو 25 جولائی تک بڑھا دیا ہے انتظامیہ کے مطابق یہ قدم کروناواٸرس کے بڑھتے ہوۓ واقعیات کے پیش نظر اُٹھایا گیا ہے۔