جموں و کشمیر کے ضلع پونچھ کی تحصیل مینڈھر میں ایک سڑک حادثے میں تین افراد کی موت ہوگئی جبکہ دو شدید زخمی ہو گئے۔ زخمیوں کو علاج کے لیے سب ڈسٹرکٹ ہسپتال مینڈھر میں داخل کرایا گیا ہے۔
پونچھ: سڑک حادثے میں تین افراد کی موت
اطلاعات کے مطابق بدھ کی شام مینڈھر سے چونگا کالا بن جانے والی ٹاٹا سومو کے ڈرائیور نے نیما علاقے میں موڑ پر توازن کھو دیا اور ٹاٹا سومو تقریبا پچاس فٹ نیچے کھیتوں میں جا گری۔ اس حادثہ میں ٹاٹا سومو مکمل طور پر تباہ ہوگئی اور دو شہری موقع پر ہی ہلاک ہوگئے۔
یہ بھی پڑھیں: دو پولیس اہلکاروں سمیت چھ سرکاری ملازمین نوکری سے برطرف
وہیں مقامی لوگوں کی مدد سے دیگر زخمیوں کو سب ڈسٹرکٹ ہسپتال مینڈھر لے جایا گیا، جہاں علاج کے دوران ایک اور شخص نے دم توڑ دیا۔ دو دیگر زخمی مینڈھر سب ڈسٹرکٹ ہسپتال میں زیر علاج ہیں۔
فی الحال پولیس معاملے کی تحقیقات کر رہی ہے۔
