صوبہ جموں کے ضلع پونچھ کی تحصیل منڈی میں آج ضلع ترقیاتی کمشنر کی جانب سے عوامی دربار لگایا گیا۔ تحصیل کیمپلیکس منڈی میں منعقد اس دربار میں ڈی سی نے عوام کے مسائل سنے۔
لوگوں کا کہنا ہے کہ ان کے مسائل کا حل کبھی بھی نہیں نکلتا ہے تا ہم انتظامیہ اپنی طرف سے عوام کے مسائل سننے میں ہر وقت کوشاں نظر آرہی ہے۔
اس دوران لوگوں نے محکمہ جل شکتی کی ناقص کارکردگی پر سوال اٹھائے، اس کے علاوہ راشن کارڈوں کا معاملہ ایم جی نریگا کے بقایاجات اور کہنو کلانی بجلی لائین کی خستہ حالی کے بارے میں سوال اٹھاے گئے۔
منڈی سرپنچ نے منڈی بائی پاس پل کا معاملہ زیر غور لایا۔ جس پر ضلع ترقیاتی کمشنر پونچھ نے کہا کہ عوام کو درپیش مشکلات کا جلد حل نکالا جائے گا۔
یہ بھی پڑھیے
ڈی ڈی سی انتخابات کی پوری تفصیلات، ای وی ایم کے ساتھ پوسٹل بیلٹ کا بھی استعمال
راہل یادو نے عوام اور سرپنچوں کو یقین دلایا کہ جو بھی مسائل عوامی دربار میں اٹھائے گئے ان کو جلد سے جلد حل کیا جائے گا۔
