پولیس کے ایک اعلیٰ افسر نے بتایا کہ آج صبح پاکستانی فوج نے گولہ با ری کی جس کا فوج نے بھی بھرپور جواب دیا۔
انہوں نے بتایا کہ گولہ باری میں ایک عام شہری زخمی ہو گیا ہے۔
اطلاعات کے مطابق پاکستانی فوج نے پونچھ کے تحصیل منڈھر میں لائن آف کنٹرول پر جنگ بندی کی خلاف ورزی کر تے ہوئے بھا رتی چوکیوں کو نشانہ بنایا۔
واضح رہے کہ مرکزی حکومت کی جانب سے 5 اگست کو جموں و کشمیر کو خصوصی حیثیت دینے والی آئینی شق 370 کا خاتمہ کر دیا تھا۔
حکومت کے اس فیصلے کے بعد لائن آف کنٹرول پر بھی کشیدگی دن بدن بڑھتی جا رہی ہے اور آئے روز لائن آف کنٹرول پر پاکستان کی طرف سے جنگ بندی کی خلاف ورزی کرتے ہوئے فائرنگ ہو رہی ہے۔
سال 2019 میں 3200 بار جنگ بندی کے خلاف ورزی ہوئی ہے، جو دو برسوں کی بہ نسبت کافی زیادہ ہے۔
سنہ 2018 میں جنگ بندی کی خلاف ورزی کے 1610 واقعات پیش آئے تھے، جبکہ 2017 میں یہ تعداد 1 ہزار تھی۔
جموں و کشمیر کی خصوصی حیثیت کے خاتمے کے بعد دسمبر ماہ تک تقریباً 1553 مرتبہ جنگ بندی کی خلاف ورزی ہوئی ہے۔جموں و کشمیر کے پونچھ، اخنور، اوڑی، ٹنگڈار، کیرن اور گریز علاقوں میں لائن آف کنٹرول پر جنگ بندی کے یہ واقعات پیش آئے ہیں۔ان علاقوں میں رہائش پزیر افراد خوف و دہشت کے سائے میں زندگی گزار رہے ہیں۔
