وادی کشمیر میں عالمی وبا کورونا وائرس کے مثبت معاملات میں تیزی سے اضافہ کے باعث جہاں عوام کو رہنما خطوط کی پاسداری پر عمل کرنے کی تلقین کی جا رہی ہے، وہیں کورونا ٹیسٹنگ میں بھی تیزی لائی جا رہی ہے۔
بدھ کو سرحدی ضلع پونچھ کے مینڈھر میں محکمہ صحت نے قصبہ کے مین مارکٹ میں دکانداروں کی کورونا ٹیسٹنگ کی۔
بلاک میڈیکل آفسر مینڈھر نے بتایا کہ ٹیسٹنگ کے عمل سے ہی کورونا کی تشخیص ممکن ہے۔ انہوں نے کہا کہ بازاروں میں لوگوں کی آمدورفت اور دکانوں پر پبلک بھیڑ کے سبب دکانداروں کو انفیکشن سے متاثر ہونے کے زیادہ امکانات ہوتے ہیں۔
انہوں نے کہا کہ عالمی وبا کو مزید پھیلنے سے روکنے کے لیے رہنما خطوط کی پاسداری کے ساتھ ساتھ ٹیسٹنگ میں بھی تیزی ناگزیر ہے۔
