پونچھ: حکام کے مطابق پیر کے روز جموں و کشمیر کے کٹھوعہ اور پونچھ اضلاع میں تیز بارشوں اور بادل بھٹتے کے ایک واقعے میں 9 پولیس اہلکاروں سمیت 21 افراد کو بچایا گیا۔ Flash Flood In Poonch & Khatua
ایک سرکاری عہدیدار کے مطابق پیر کے روز اوجھ دریا میں اچانک سیلاب آنے سے درجنوں افراد پھنس گئے تھے۔ اطلاع ملتے ہی ایس ڈی آر ایف کے اہلکاروں نے پولیس کے ساتھ بچاؤ آپریشن شروع کیا۔
پولیس کے سینیئر افسر کے مطابق بچاؤ کارروائی میں چار خواتین سمیت 12 افراد کو بچا لیا گیا۔ وہیں حکام نے بارش اور اوجھہ دریا میں پانی کے تیز بہاو کے سبب لوگوں کو دریا کے قریب نہ جانے کی اپیل کی ہے۔
وہیں دوسرے ایک واقعے میں نو پولیس اہکاروں کو بچایا گیا جب پونچھ ضلع کے لائن آف کنٹرول کے چکن دا باغ علاقے میں ایک پولیس چوکی میں اچانک سیلابی پانی آگیا۔بتایا جارہا کہ بادل پھٹنے کی وجہ سے چوکی میں سیلابی پانی آگیا، پولیس اہلکاروں نے پانی آنے کے بعد چوکی کی چھت پر پناہ لی تھی۔اطلاع ملتے ہی پولیس کی ٹیمیں پہنچ گئی اور پھنسے اہلکاروں کو بحفاظت بچالیا گیا۔
مزید پڑھیں:
وہیں ضلع پونچھ میں مغل شاہراہ پر چٹانیں گر آنے کے نتیجے میں تین ٹرکوں کو نقصان پہنچا ہے۔حادثہ میں تین ترک ڈرائیور اور کنڈیکٹر معجزاتی طور پر پچ گئے ہیں۔
بتادیں کہ جموں و کشمیر کے متعدد علاقوں میں کل رات تیز پارش ہوئی تھی۔ بالائی علاقوں میں تیز بارش ہونے سے ندی نالوں میں پانی کی سطح بڑھ گئی ہے۔
