پونچھ ضلع کے مینڈھر تحصیل بالا کوٹ کے سندوٹ علاقہ میں ایک مقامی شہری کی جانب سے پرندے کو مارنے کی ویڈیو وائرل ہونے کے بعد پولیس کی جانب سے معاملہ درج کر کے کارروائی کی جارہی ہے۔
در اصل گزشتہ دنوں سوشل میڈیا پر ایک ویڈیو وائرل ہوئی تھی جس میں ایک شخص پرندے کو درخت کے نیچے لٹکا کر اس کو مارتے ہوئے نظر آیا۔
جس پر سماجی تنظیموں کی جانب سے مذکورہ شخص کے خلاف کارروائی کا مطالبہ کیا گیا۔ تاہم ویڈیو وائرل ہونے کے بعد ڈی ایف او پونچھ نے مکمل تفصیل حاصل کر کے اس معاملہ پر پولیس کو کارروائی کے لیے تحریری طور پر لکھا جس کے بعد جموں و کشمیر پولیس نے مینڈھر پولیس اسٹیشن میں ایک کیس زیر ایف آئی آر دفعات 2،16،20،09 ، 5اور وائلڈ لائف ایکٹ درج کر کے اس کی مزید تحقیقات شروع کر دی ہے۔ معاملہ میں ملوث شخص کی شناخت شکیل احمد سکنہ سندوٹ تحصیل بالا کوٹ پونچھ کے طور پر کی گئی ہے۔
