ضلع پونچھ کی تحصیل منڈی کے ڈاک بنگلو میں کانگرس پارٹی کے رہنماؤں اور کارکنان کی جانب سے ایک اہم میٹنگ کا اہتمام کیا گیا۔
اس دوران انہوں نے سابق وزیر اعلی جموں و کشمیر و سابق اپوزیشن لیڈر غلام نبی آزاد (Ghulam Nabi Poonch Visit) کی یکم دسمبر کو پونچھ دورے کے موقع پر لوگوں سے بڑی تعداد میں اجلاس میں شامل ہونے کی اپیل کی۔
اس ضمن میں کل ضلع ترقیاتی کونسل لورن ریاض بشیر ناز کی رہائش گاہ پونچھ میں میٹنگ کا اہتمام کیا گیا تھا، آج ڈاک بنگلو منڈی میں لیڈران اور ورکران کی ایک اہم میٹنگ منعقد ہوئی۔
جس میں غلام نبی آزاد کی پونچھ آمد پر تمام تر انتظامات کو حتمی شکل دینے کے سلسلہ میں تبادلہ خیال کیا گیا۔ میٹنگ کے دوران کانگرس لیڈر تاج میر، غلام احمد، محمد اکرم، محمد شریف، کے علاوہ کانگرس ورکرز بھی شامل رہے۔
اس دوران ریاض بشیر ناز نے کہا کہ 'غلام نبی آزاد ہی جموں و کشمیر کو ترقی کی طرف لے جاسکتے ہیں۔ اس میٹنگ کی صدارت چوہدری ریاض بشیر ناز کررہے تھے۔
یہ بھی پڑھیں : Farm Laws Repealed: زرعی قوانین کو واپس لینے کا فیصلہ پہلے کرتے تو بہتر تھا
انہوں نے تمام لوگوں سے اپیل کرتے ہوئے کہا کہ یکم دسمبر کو پونچھ میں پہنچ کر غلام نبی آزاد کے استقبال کے ساتھ ساتھ اجلاس میں شرکت کرکے اجلاس کو کامیاب بنائیں۔
