پونچھ: جموں و کشمیر کے ضلع پونچھ میں ٹریفک پولیس Traffic police نے پونچھ ہیڈ کوارٹر کے پاس اچانک کئی مقامات پر ناکہ بندی کی، جس میں گاڑیوں کے کاغذات کی جانچ کی، ہائی سکیورٹی نمبر پلیٹس لگانے کی مہم شروع کی اور ڈرائیوروں کے چالان کاٹے، انہیں ٹریفک قوانین سے آگاہ کیا اور کہا کہ عام شہری ٹریفک قوانین کی پابندی کو یقینی بنائیں، اپنی گاڑیوں میں ہائی سکیورٹی نمبر پلیٹس لگائیں اور ٹرانسپورٹرز کو مشورہ دیا کہ وہ اپنی گاڑیوں کو اوور لوڈ نہ کریں۔
ٹریفک پولیس نے تمام شہریوں سے کہا کہ وہ ہر قسم کی گاڑیوں میں ہائی سیکورٹی نمبر پلیٹس لگائیں، عدم تعمیل کے خلاف گاڑی کو ضبط کرکے دس ہزار روپے کا جرمانہ عائد کیا جائے گا۔ اسی لیے جن لوگوں ہائی سکیورٹی پلیٹس نہیں لگائی ہے جو جلد از جلد اپنی گاڑیوں میں ہائی سکیورٹی پلیٹس لگالیں۔ پولیس نے نابالغ بچوں کے والدین سے اپیل کی کہ وہ اپنے بچوں کو گاڑی نہ دیں ، جب وہ 18 سال کے ہوجائیں تب ہی انہیں گاڑی دی جائے۔
مزید پڑھیں: Traffic Rules Violators Fined : پونچھ میں ٹریفک قوانین کی خلاف ورزی کرنے والوں پر جرمانہ
