پاکستان کی جانب سے فائرنگ میں زخمی بزرگ جموں ریفر

سترسالہ بزرگ کی حالت تشویشناک، پاکستان کی جانب سے رہائشی آبادی پر فائرنگ سے ہوئے تھے زخمی۔

جموں و کشمیر کے ضلع پونچھ کے تحت مختلف سرحدی گاؤں کو پاکستانی فوج نے نشانہ بنایا۔ پاکستان کی جانب سے جمعرات کو سیز فائر کی خلاف ورزی کے دوران 70 سالہ نثار علی زخمی ہو گئے تھے جن کی حالت تشویشناک بنی ہوئی ہے۔

اس سیز فائر کی خلاف ورزی سے درجن سے زائد گاؤن متاثر ہوئے ہیں۔ اس دوران شدید طور سے زخمی 70 سالہ بزرگ کو پونچھ اسپتال میں پرائمری علاج کے بعد جموں ریفر کر دیا گیا ہے۔

واضح ہو کہ پاکستانی فوج نے جمعرات کو اچانک 10.40 بجے پونچھ ضلع کے قصبے شاہپور، کیرنی، قصبہ سیکٹر میں بھارتیہ فوج کے اگلے چوکیوں پر تعینات بھارتیہ فوج کے جوانوں کو نشانہ بنا کر ہلکے ہتھیاروں سے فائرنگ شروع کر دی۔

جب ہندوستانی فوج کی جانب سے جوابی کارروائی کی گئی تو تھوڑی دیر بعد پاکستانی فوج نے لائن آف کنٹرول کے قریب واقع شاہ پور، کرنی، قصبہ، ڈوکڈی، سمیت متعدد رہائشی علاقوں کو نشانہ بناتے ہوئے موٹار داغنے شروع کر دئے۔