پونچھ: فوج نے جموں وکشمیر کے پونچھ سیکٹر میں لائن آف کنٹرول پر جنگجووں کی طرف سے دراندازی کرنے کی ایک بڑی کوشش کو ناکام بنایا جس دوران ایک درانداز مارا گیا۔
ذرائع نے بتایا کہ علاقے میں مزید دراندازوں کی موجودگی کے پیش نظر سکیورٹی فورسز نے وسیع العریض علاقے کو محاصرے میں لے کر تلاشی آپریشن شروع کیا۔دفاعی ذرائع نے بتایا کہ فوج نے جمعرات کے روز پونچھ سیکٹر میں لائن آف کنٹرول پر دراندازی کی ایک کوشش کو ناکام بنایا۔
انہوں نے بتایا کہ جمعرات کے روز پونچھ سیکٹر میں دراندازوں کے ایک گروپ نے اس طرف آنے کی کوشش کی تاہم متحرک اہلکاروں نے اُنہیں للکارا جس دوران شدید گولیوں کا تبادلہ شروع ہوا۔ ابتدائی فائرنگ میں ایک پاکستانی درانداز ہلاک ہوا ہے اور اس کے قبضے سے بڑی مقدار میں اسلحہ وگولہ بارود اور قابل اعتراض مواد برآمد کرکے ضبط کیا گیا۔
دفاعی ذرائع نے مزید بتایا کہ علاقے میں مزید درانداز موجود ہوسکتے ہیں جس کے پیش نظر اضافی فوجی کو بھی جائے وقوع کی اور روانہ کیا گیا۔دریں اثنا فوج کے ایک سینیئر عہدیدار نے بتایا کہ برف باری سے قبل پاکستان کی جانب سے دراندازی کی کوششوں میں اضافہ کا امکان ہے۔
انہوں نے بتایا کہ برف باری سے قبل پاکستان زیادہ سے زیادہ عسکریت پسندوں کو اس طرف بھیجنے کی کوشش کرسکتا ہے جس کے پیش نظر لائن آف کنٹرول اور حد متارکہ پر پہلے ہی الرٹ جاری کیا گیا۔ان کے مطابق سرحدوں پر تعینات افواج کو چوبیس گھنٹے متحرک رہنے کے احکامات صادر کئے گئے ہیں۔
انہوں نے مزید بتایا کہ سرحد کے اس پار لانچنگ پیڈوں کو پھر سے فعال کیا گیا اور وہاں پر ہتھیاروں سے لیس عسکریت پسند کو اس طرف بھیجنے کی منصوبہ بندی ہو رہی ہیں تاہم فوج کسی بھی چیلنج کا مقابلہ کرنے کے لئے تیار ہیں۔
ذرائع نے بتایا کہ سراغ رساں ادارے نے پہلے ہی سیکورٹی ایجنسیوں کو مطلع کیا ہے کہ برف باری سے قبل پاکستان کی جانب سے بڑے پیمانے پر دراندازی کی کوششیں ہو سکتی ہیں جس کے پیش نظر سرحدوں پر سیکورٹی فورسز کے گرڈ کو مزید مضبوط کیا جائے۔
مزید پڑھیں: Security Situation Kashmir کشمیر میں سکیورٹی صورتحال مجموعی طور پر بہتر، جی او سی
بتادیں کہ 26 اکتوبر کو ٹنگڈار سیکٹر اور اور 31 اکتوبر کے روز کرناہ سیکٹر میں فوج نے دراندازی کی کوششوں کے دوران دو غیر ملکی ملی ٹینٹوں کو ہلاک کرنے کا دعویٰ کیا تھا۔infiltration bid Foiled In Kupwara
