جموں و کشمیر کے ضلع پونچھ میں ضلع ترقیاتی کونسل چیئرپرسن کے انتخابات میں آزاد خاتون امیدوار تعظیم اختر کے مدمقابل کانگریس کی خاتون امیدوار نازیہ غنی تھیں۔
پونچھ میں آزاد امیدوار چیئرپرسن منتخب
واضح رہے کہ ضلع پونچھ میں چیئرپرس کی سیٹ ایس ٹی خواتین کے لیے ہی ریزرو تھی۔
چیئرپرسن انتخاب میں ضلع کے کل 14 ڈی ڈی سی ممبران نے اپنے ووٹ کا استعمال کیا، جس میں سے تعظیم اختر نے 8 ووٹ حاصل کیے اور کانگریس امیدوار کو 6 ووٹ ملے۔
وہیں، دوسری جانب نائب چئیرپرسن عہدے کے لیے اشفاق احمد کو منتخب کیا گیا ہے۔ چیئرپرسن کی حلف برداری تقریب کا اہتمام ضلع ترقیاتی کمشنر پونچھ کے سربراہی میں منعقد کیا گیا۔
