کورونا وائرس: پونچھ میں بازار بند کرنے کا اعلان

کورونا وائرس کے پھیلاؤ کو روکنے کے لیے ضلع انتظامیہ مسلسل سخت پابندیاں عائد کرکے ان پر عمل درآمد کرا رہی ہے۔

پونچھ میں کورونا وائرس کے پھیلاؤ کو روکنے کے لئے ضلع انتظامیہ ان پر مستقل سخت پابندیاں عائد کر رہی ہے۔ انتظامیہ نے ضلع کے تمام ہوٹلز ، ڈھابوں اور ریستورانوں اور خوانچہ فروشوں کو دکانیں بند رکھنے کا حکم دے دیا ہے۔ اور اس کے لیے تمام چوک چوراہوں پر باضابطہ مائک لگا کر اعلانات کرائے جارہے ہیں۔

اس سے قبل لوگوں کو کورونا وائرس سے بچانے کے لیے ضلع میں دفعہ 144 پہلے ہی نافذ کردیا گیا تھا اور عوامی پروگراموں، کانفرنسوں، جلسوں، مظاہروں پر پابندی عائد تھی۔ اب ضلع انتظامیہ نے 31 مارچ تک ہوٹلوں، ڈھابوں اور ریستورانوں اور دیگر تمام طرح کے اسٹالز پر بھی پابندی عائد کردی۔

ضلع انتظامیہ نے جاری کردہ ہدایات پر عمل درآمد شروع کردیا ہے۔ اور ضلع انتظامیہ پونچھ نے ہدایت دی ہے کہ جو افراد ان پر عمل درآمد نہیں کریں گے۔ ان پر سخت سے سخت کاروائی کی جائے گی۔