وادی میں فوج کی طرف سے منفرد افطار پارٹی

فوج کا کام سرحدوں کی حفاظت کرنا اور ملک کو بیرونی شر پسندوں سے محفوظ رکھنا ہے لیکن کئی مواقع ایسے بھی دیکھنے کو آتے ہیں جب فوج اپنی ڈیوٹی سر انجام دینے کے ساتھ ساتھ انسانیت کی خدمت اور معاشرے میں اخوت و محبت عام کرنے کی بھی کوششیں کرتی نظر آتی ہے۔

ریاست جموں و کشمیر کے ضلع پونچھ میں نظر آیا جب سکیورٹی فورسز کی جانب سے یہاں شاندار افطار پارٹی کا اہتمام کیا گیا جس میں مسلمانوں نے ہی نہیں بلکہ ہر مذہب کے لوگوں نے شرکت کی۔

مقامی لوگوں نے فوج کے جانب سے اٹھائے گئے اس قدم کو کافی سراہا اور افطار کا اہتمام کرنے والے افسران و اہلکاروں کی جم کر ستائش کی۔

افطار کے ساتھ ساتھ روزہ داروں نے فوج کے بنائے گئے شامیانے میں نماز بھی ادا کی اور ملک میں امن و امان اور خوشحالی کے لیے دعائیں کی گئیں۔