نوجوانوں کو منشیات سے آگاہ کرنے کے لیے ضلع پونچھ کی تحصیل مینڈھر میں انسداد منشیات ریلی نکالی گئی۔ یہ ریلی مین بازار مینڈھر، بس اسٹینڈ، یادگار چوک سے ہوتے ہوئے کورٹ کمپلیکس مینڈھر پر اختتام پذیر ہوئی۔
ریلی میں بی ایم او پرویز خان، بار ایسوسی ایشن کے صدر جاوید خان خصوصی طور پر موجود تھے۔ ریلی میں طلباء کے علاوہ سرکاری ملازمین کی بڑی تعداد موجود تھی۔
اس موقع پر ایس ڈی پی او مینڈھر نے ریلی سے خطاب کرتے ہوئے کہا کہ پیسے کے لالچ میں کچھ لوگ نوجوانوں کو نشے کی طرف دھکیلنے کی کوشش کر رہے ہیں۔ ہمیں ایسے لوگوں سے ہوشیار رہنا چاہیے۔
انہوں نے کہا کہ اپنے بچوں کا خیال رکھیں، ہمیں ان کی نگرانی کرنی چاہیے تاکہ ہم منشیات سے چھٹکارا حاصل کر سکیں۔
یہ بھی پڑھیں: کولگام انکائونٹر میں دو عسکریت پسند ہلاک
واضح رہے کہ اس ریلی کا مقصد نوجوانوں کو منشیات سے آگاہ کرنا ہے، نوجوانوں کو آگاہ کیا گیا کہ وہ منشیات سے دور رہیں، صحت مند رہیں۔
