ریت کے مجسمے سے ہولی کی مبارک باد

کورونا وائرس کے سبب اس سال ہولی مختلف انداز میں منائی جارہی ہے۔ دور دور سے لوگ سدرشن پٹنائک کے فن کو دیکھنے آ رہے ہیں۔

مشہور مجمسہ ساز سدرشن پٹنائک نے ریت پر انتہائی منفرد اور تخلیقی انداز میں آرٹ بناتے ہوئے لوگوں کو ہولی کی مبارک باد دی ہے۔

ہولی کے موقع پر سودرشن پٹنائک نے اوڈیشہ کے شہر پوری میں ریت پر اپنے منفرد اور تخلیقی فن کو اجاگر کرتے ہوئے عوام کو کووڈ 19 کے ایس او پیز پر عمل کرنے اور ماسک پہننے کے لئے ایک پیغام دیا ہے۔

انہوں نے ’ہولی‘ کے لئے نیک تمناؤں کے ساتھ ریت کا ایک خوبصورت مجسمہ تیار کیا اور کورونا وائرس سے بچنے کے لیے اپنا خیال رکھنے کا بھی خاموش انداز میں پیغام دیا ہے۔

کورونا وائرس کے سبب اس سال ہولی مختلف انداز میں منائی جارہی ہے۔ دور دور سے لوگ سدرشن پٹنائک کے فن کو دیکھنے آ رہے ہیں۔

واضح رہے کہ سدرشن پٹنائک اوڈیشہ کے شہرت یافتہ اور ریت پر مجسمہ بنانے والے منفرد فنکار ہیں۔ انہیں بھارتی حکومت نے 2014 میں پدما شری سے نوازا تھا۔