اڈیشہ میں پیلے رنگ کا انوکھا کچھوا برآمد

اڈیشہ کے بالاسور میں مقامی لوگوں نے پیلے رنگ کے نایاب کچھوے کوبرآمد کیا، اسے دیکھنے کے لیے کافی تعداد میں لوگ جمع ہوگئے، بعد میں اسے محکمہ جنگلات کے حوالے کردیا۔

اوڈیشہ کے بالا سور ضلع میں گزشتہ روز سورو بلاک کے گاؤں سوجن پور سے مقامی لوگوں نے ایک انوکھا اور نایاب پیلے رنگ کے کچھوا کو برآمد کیا۔

مقامی افراد نے محکمہ جنگلات کے اہلکاروں کو موقع پر بلایا اور کچھوے ان کے حوالے کردیا۔

اڈیشہ میں پیلے رنگ کا انوکھا کچھوا پایا گیا

وائلڈ لائف وارڈن، بنومیترا آچاریہ نے کہا کہ 'یہ ایک انوکھی تلاش ہے اور اس سے پہلے کبھی ایسا کچھوا نہیں دیکھا تھا۔'

اچاریہ نے کہا، "پائے گئے کچھوے کا جسم پیلے رنگ کا ہے۔ یہ ایک نایاب کچھوا ہے ، میں نے اس سے پہلے کبھی نہیں دیکھا۔"

واضح رہے کہ گزشتہ ماہ ٹریونیچیڈا کچھوا کی ایک نایاب نسل کو مچھیروں نے اڈیشہ کے میور بھنج ضلع کے دیولی ڈیم پر پایا گیا تھا۔ بعد ازاں اس کو ڈیم میں محکمہ جنگلات نےچھوڑ دیا تھا۔ ٹریونیچیڈے کچھوا نرم شیل کا ہوتا ہے جو افریقہ، ایشیا اور شمالی امریکہ میں پائے جاتے ہیں۔ محکمہ جنگلات کے مطابق، کچھوے کا وزن 30 کلوگرام سے زیادہ تھا اور اس کی زیادہ سے زیادہ عمر 50 سال ہوتی ہے۔