اس احتجاج کے ذریعے حکومت کو یہ پیغام دینے کی کوشش کی گئی کہ کسی بھی صورت میں ملک کے عوام کو نفرت کی سیاست قبول نہیں ہے اور جب تک سی اے اے واپس نہیں لیا جاتا تب تک احتجاج جاری رہے گا۔
شہریت ترمیمی قانون کے خلاف ملک بھر کے کئی مسلم اکثریتی علاقوں میں شاہین باغ، آباد ہوچکے ہیں مہاراشٹرکے ضلع اورنگ آباد شہر میں غیر مسلم علاقوں میں بھی احتجاج کا سلسلہ شروع ہوچکا ہے ، اورنگ آباد کا تاریخی کرانتی چوک علاقہ غیر مسلم اکثریتی علاقہ ہے اس چوک میں الائنس اگینسٹ سی اے اے، این پی آر ، این آر سی کے بینر تلے کینڈل دھرنا دیا گیا، دھرنے میں مسلم خواتین کے ساتھ غیر مسلم بہنیں شانہ بشانہ نظر آئیں، ان احتجاجی خواتین کا کہنا ہیکہ شہریت ترمیمی قانون کو مسلم مخالف بتاکر عوام کو گمراہ کیا جارہا ہے جبکہ یہ ملک کی چالیس فیصد ہندو آبادی کو باہر کردیا جائے گا۔
اس کینڈل پرٹیسٹ میں خواتین اپنے بچوں کے ساتھ شریک ہوئیں، دو گھنٹے تک چلے اس پر امن احتجاج کے ذریعے حکومت کو یہ پیغام دینے کی کوشش کی گئی کہ جمہوری ملک میں جو قانون عوام کو منظور نہیں اسے کسی بھی صورت میں نافذ نہیں کیا جاسکتا اور یہ احتجاجی تحریک اس وقت تک جاری رہے گی جب تک کے متنازعہ قانون کو واپس نہیں لیا جاتا۔
