مہاراشٹر کے دارالحکومت ممبئی سے متصل تھانے کے کورٹ ناکہ میں واقع تیرہ منزلہ بھاسکر بلڈنگ کے پانچویں منزل کی بالکنی پر ایک خاتون نے خودکشی کرنے کی کوشش کی جسے پولیس نے ناکام بنادیا۔
مذکورہ خاتون بھاسکر بلڈنگ کے پانچویں منزل کی بالکنی پر چڑھ گئیں اور خودکشی کی ڈارامہ کرنے لگی۔ جس کی وجہ سے بلڈنگ کے نیچے کافی بھیڑ جمع ہوگئی۔
اسی دوران کچھ لوگوں نے پولیس کو مطلع کیا۔ پولیس ٹیم اور فائر بریگیڈ عملہ موقع پر پہنچ کر خاتون کو حراست میں لیتے ہوئے سول ہسپتال میں داخل کرایا۔
پولیس ذرائع کے مطابق تھانے کے پولیس اسکول عمارت کے پاس واقع بھاسکر منزل میں 22 سالہ پریتی تریدیو کینے پانچویں منزل کی بالکنی پر چڑھ کر خود کشی کرنے جارہی تھی تبھی پولیس کو فون کے ذریعے اطلاع موصول ہوئی۔ پولیس ٹیم اور فائر بریگیڈ کے عملہ نے کافی مشقت کے بعد خاتون کو حراست میں لے لیا ۔
فی الحال یہ واضح نہیں ہوسکا ہے کہ آخر وہ خودکشی کیوں کرنا چاہتی تھی پولیس مزید تحقیقات کررہی ہے۔
