Kashmiri Pandits: حکومت جب نونیت رانا اور کنگنا رناوت کو تحفظ دے سکتی ہے تو کشمیری پنڈتوں کو کیوں نہیں، نیلم گورے

اورنگ آباد میں منعقد ایک تقریب سے خطاب کرتے ہوئے شیو سینا کی رہنما نیلم گورے نے کہا کہ مرکزی حکومت جب نونیت رانا اور کنگنا راناوت کو تحفظ فراہم کرسکتی ہے تو پھر کشمیری پنڈتوں کو تحفظ کیوں فراہم نہیں کر رہی ہے؟ Shiv Sena Leader Demands Protection of Kashmiri Pandits

ریاست مہاراشٹر کے ضلع اورنگ آباد میں شیو سینا کی رہنما نیلم گورے نے کشمیری پنڈتوں کے حق میں آواز اٹھائی ہے، انہوں نے کہا کہ کشمیری پنڈتوں کے تحفظ کی ذمہ داری مرکزی حکومت کی ہے، انہوں نے کہا کہ مرکزی حکومت جب نونیت رانا اور کنگنا راناوت کو تحفظ فراہم کرسکتی ہے تو پھر کشمیری پنڈتوں کو تحفظ کیوں نہیں دے سکتی؟ انہوں نے مرکزی حکومت پر ہندوتوا کے پس پردہ مذہبی منافرت پھیلانے کا الزام عائد کیا۔

دراصل اورنگ آباد میں منعقد ایک تقریب سے خطاب کرتے ہوئے شیو سینا کی رہنما نے کہا کہ مرکزی حکومت جب نونیت رانا اور کنگنا راناوت کو تحفظ فراہم کرسکتی ہے تو پھر کشمیری پنڈتوں کو کیوں تحفظ فراہم نہیں کر رہی ہے؟ میڈیا کے نمائندوں سے بات چیت میں انہوں نے کہا کہ مرکزی حکومت ہندتوا کی آڑ میں مذہبی منافرت پھیلارہی ہے، انہوں نے کہا کہ یہ کسی بھی لحاظ سے ملک کے مفاد میں نہیں ہے، انہوں نے کشمیری پنڈتوں کے تعلق سے بال ٹھاکرے کی دلچسپی کا بھی ذکر کیا، انہوں نے کہا کہ ریاست کے وزیر اعلیٰ ادھو ٹھاکرے اپنے والد کے نقش قدم پر چل رہے ہیں۔

انہوں نے کہا کہ شیو سینا کو امید ہے کہ مرکزی حکومت کشمیری پنڈتوں کے تحفظ پر بھی کوئی فیصلہ کرے گی کیونکہ ہر وقت کشمیری پنڈتوں کو لیکر مرکزی حکومت بیانات دیتی ہے۔