جنوبی ممبئی کے بھنڈی بازار علاقے میں امام باڑہ اردو اسکول نے پسماندہ طبقے کے بچوں کی تعلیم کے لئے آن لائن طرز پر عمل کرنے کے لئے ذاتی پیسوں سے ان کی ساری ضروروتوں کا انتظام کر رہے ہیں۔
یہ کام اردو پرائیویٹ ٹیچر ایسویشن کے ذریعہ انجام دیا جا رہا ہے، چونکہ ممبئی میں جگہ کی قلت ہے اسلئے مقامی غیر سرکاری تنظیم خیر امّت ٹرسٹ نے اپنی ایک جگہ اس کام کے لئے ان لوگوں کے لئے مختص کر دی تاکہ پسماندہ طبقے کے لئے جو تعلیم گھر گھر پہنچانے کا خواب دیکھا گیا ہے، اسے عملی جامہ پہنایا جا سکے۔
چونکہ طلبا و طالبات کی تعداد 60000 کے آس پاس ہے۔ ایسے میں ان سب کو موجودہ حالت میں تعلیم سے آراستہ کرنا ایک مشکل کام ہے، حالانکہ ان کی اس چھوٹی سی کوشش کے بعد یہ اگر لوگوں کا ساتھ رہا تو ممکن ہے کہ ابتداء میں جس طرح سے کچھ بچوں کے لئے یہ خدمات مہیا ہے، وہ تعداد بڑھ بھی سکتی ہے۔
مزید پڑھیں:
مہاراشٹر: عبادت گاہیں کھولنے پر وزیراعلیٰ اور گورنر آمنے سامنے
اسلئے اردو پرائیویٹ ٹیچر ایسویشن نے عوام سے اس بات کی اپیل کی ہے کہ وہ اس کر خیر میں لوگ انکا ساتھ دیں، تاکہ پسماندہ طبقے کے ان بچوں کا مستقبل بہتر بنایا جا سکے جو کورونا کی وجہ سے تعلیم حاصل کرنے سے محروم ہو گئے۔
