ممبئی: عمر رجب اردو اسکول ملک کے اقتصادی دار الحکومت ممبئی کے مدنپورہ علاقے میں واقع ہے۔ یہاں تعلیم حاصل کرنے والے زیادہ تر طلبہ پسماندہ طبقے سے تعلق رکھتے تھے۔ دراصل اس علاقے کے کارپوریٹر اور کچھ مخیر حضرات نے مالی تعاون کے ذریعه اس اسکول کے تعلیمی معیار کو بہتر بنانے کے لئے اسے اردو سے انگلش میڈیم میں تبدیل کر دیا۔ Urdu Medium School Set an Example
ایسا نہیں ہے کہ انگلش میڈیم کے بعد اردو کا وجود یہاں ختم کر دیا گیا بلکہ ایک سبجیکٹ کی طرح اردو آج بھی یہاں پڑھائی جاتی ہے۔ اسکول کو ماڈرن ایجویکیشن Quality Of Education in Mumbai سے وابستہ کر دیا گیا ہے۔
یہی وجہ ہے کہ اب علاقے کے لوگ اس اسکول میں اپنے بچوں کے ایڈمشن کے لئے ہر ممکن کوشش کر رہے ہیں جب کہ پہلے عالم یہ تھا کہ یہاں طلبہ کی تعداد بہت کم تھی لیکن آج یہاں ایڈمشن کے لیے لوگ قطار میں کھڑے ہوتے ہیں اور اس سال کے لیے ایڈمیشن مکمل ہو چکا ہے۔
اس معاملے پر رئیس شیخ کہتے ہیں کہ ممبئی کے اس علاقے میں جہاں اقلیتوں کی تعداد اچھی خاصی ہے، جو تعلیم سے دور ہیں۔ اگر حکومت اور بی ایم سی ان علاقوں کے اسکولز پر غور کرے تو وہ دن دور نہیں جب پسماندہ طبقے سے تعلق رکھنے والے طلبہ ماڈرن ایجوکیشن اور انگلش میڈیم اسکولوں سے کسی بھی طرح سے پیچھے نہیں ہوں گے۔
یہ بھی پڑھیں: English Education in Govt Urdu School: یادگیر کے سرکاری اردو اسکول میں انگریزی تعلیم کا نظم
انہوں نے مزید کہا کہ کسی بھی معاشرے کو ترقی کی راہ پر گامزن کرنا ہے تو سب سے پہلے اس کا تعلیمی نظم مضبوط اور بلند ہونا چاہیے۔ Urdu Medium School Set an Example
