مرکزی وزیر اور ری پبلکن پارٹی آف انڈیا اے (آر پی آئی) کے چیف رام داس اٹھاولے کورونا سے متاثر ہوگئے ہیں۔
منگل کو رام داس اٹھاولے کے آفس نے ان کے کورونا سے متاثر ہونے کی تصدیق کی ہے۔
فی الحال انہیں احتیاط کے طور پر بامبے اسپتال میں داخل کرایا گیا ہے۔ کورونا وائرس کی شروعات میں رام داس اٹھاولے نے 'گو کورونا گو' کا نعرہ دیا تھا۔
یہ بھی پڑھیں: اداکارہ پائل گھوش رپبلکن پارٹی آف انڈیا میں شامل
گزشتہ مارچ مہینے میں مرکزی وزیر رام داس اٹھاولے کورونا وائرس کے تئیں بیدار کرنے کے لیے کام کر رہے ایک گروپ کے ساتھ بیداری مہم میں شامل ہوئے تھے۔
بیداری مہم کے دوران انہوں نے'گو کورونا گو' کے نعرے لگاکر کورونا وائرس کو بھارت سے بھگانے کی کوشش کی تھی۔
یہ بھی پڑھیں: ممبئی میں دہشت گردانہ حملے کا خدشہ، ہائی الرٹ جاری
یاد رہے کہ رام داس اٹھاولے نے ایک دن قبل ہی بالی ووڈ کی معروف اداکارہ پائل گوش کو پارٹی کی رکنیت دلائی تھی اور انہیں پارٹی کی خواتین ونگ کا نائب صدر بنایا گیا ہے۔
