ادھو ٹھاکرے کے ایک بیان کے خلاف گذشتہ روز شیرڈی پوری طرح سے بند رہا، اس کے باوجود یہاں کا سائیں بابا مندر کھلا رہا اور یہاں عقیدت مندوں کی بھیڑ تھی، اس بند کی وجہ سے وزیر اعلی مشکلات میں نظر آرہے ہیں۔
اسی وجہ سے انہوں نے ایک میٹنگ طلب کی ہے جس میں وہ سبھی نمائندوں سے بات کریں گے۔
اتوار کے روز چیف منسٹر آفس (سی ایم او) نے ٹویٹ کیا ، 'سائیں بابا کی جائے پیدائش سے متعلق جاری تنازعہ کے حل کے لیے پیر کو وزیر اعلی ادھو ٹھاکرے ایک اجلاس کریں گے'۔
واضح رہے کہ یہ تنازعہ اس وقت پیدا ہوا جب مہاراشٹر کے وزیر اعلی ادھو ٹھاکرے نے ضلع پربھنی کے پتھری میں واقع سائی بابا کی جائے پیدائش پر سہولیات کی ترقی کے لیے 100 کروڑ روپے مختص کرنے کا اعلان کیا تھا۔
غور طلب وزیر اعلی ادھو ٹھاکرے نے پربھنی ضلع میں ترقیاتی اسکیموں کی جائزہ میٹنگ بھی لی تھی۔
مقامی لوگوں اور شرڈی کے رہنماؤں نے پتھری کو سائبہ بابا کی جائے پیدائش ہونے کے بارے میں بتائے جانے پر اعتراض کیا اور دعوی کیا کہ ان کی جائے پیدائش اور اس کا مذہب نامعلوم ہے۔
