بھیونڈی: سڑک حادثہ میں دو افراد ہلاک

بھیونڈی میں ایک کار کے حادثے کا شکار ہوجانے سے اس میں سوار دو لوگوں کی موت ہو گئی جبکہ ایک خاتون شدید طور پر زخمی ہوئی ہیں۔

ریاست مہاراشٹر کے بھیونڈی میں ایک کار کے حادثے کا شکار ہوجانے سے اس میں سوار دو لوگوں کی جائے حادثہ پر موت اور ایک خاتون سنگین طور پر زخمی ہوگئی۔

پولیس نے جمعرات کو بتایا کہ کار میں سوار لوگ ممبئی میں اپنا کام پورا کرکے بدھ کی تاخیر شب گھر واپس آرہے تھے، تبھی ان کی کار بھیونڈی کے منکولی گاؤں کے نزدیک حادثے کا شکار ہوگئی۔ کار ڈیوائیڈر سے ٹکراکر دوسری لین میں چلی گئی اور سامنے سے آرہی بس سے اس کی ٹکر ہوگئی۔

حادثے میں ڈرائیور سمیت دو لوگوں کی موت ہوگئی اور ایک خاتون سنگین طور پر زخمی ہوگئی۔

زخمی خاتون کو علاج کے لئے اسپتال میں داخل کرایا گیا ہے اور دونوں لاشوں کو پوسٹ مارٹم کے لئے بھیج دیا گیا ہے۔

مہلوکین کی شناخت وشال بھوئے (ڈرائیور) اور امول وابل کے طور پر کی گئی ہے۔ نارپولی پولیس معاملے کی جانچ کررہی ہے۔