ممبئی کے حج ہاؤس میں ملی تحریک کے روح رواں ابو عاصم اعظمی کی قیادت میں ملی تنظیم کے کارکنوں نے نیوزی لینڈ میں ہوئے دہشت گردانہ حملے کی سخت مذمت کی۔
اور مسلمانوں کے ساتھ حکومت کے دوستانہ رویے کی جم کر تعریفیں کی۔
تنظیم نے اس حملے کے بعد اسلام فوبیا کے نام پر مسلمانوں کو ہراساں نہ کیے جانے کے لیے کئی ممالک کے وزیراعظم کو خطوط لکھ کر آگاہ کیا۔
ابو عاصم اعظمی نے نیوزی لینڈ حکومت کے مسلمانوں کے ساتھ ہونے والے دوستانہ رویے کو حوالہ دیتے ہوئے حکومت ہند کو نشانہ بنایا۔
انہوں نے کہا کہ :' بھارت کو اس سے کچھ سیکھنا ہوگا تاکہ ملک میں مسلمانوں پر ہونے والے ظلم پر روک لگے اور کارروائی کے نام پر مسلمانوں کو ہراساں نہ کیا جائے'۔
نیوزی لینڈ میں ہوئے دہشت گردانہ حملوں کے بعد حکومت نے جس طرح سے وہاں کے مسلمانوں کی حمایت کی ہے، اس کی پوری دنیا میں تعریف کی جارہی ہے۔
