ریلوے نے کہا ہے کہ انہوں نے ایسا کوئی فیصلہ نہیں کیا ہے۔ دیوالی کے بعد مہاراشٹر میں بھی کورونا کیسز میں اضافہ دیکھا جارہا ہے۔ ممبئی، پونے کے علاوہ، جلگاؤں میں بھی کورونا کیسز میں اضافہ دیکھا جارہا ہے۔
ایسی صورتحال میں انتظامیہ پہلے ہی تیار ہے تاکہ صورتحال قابو سے باہر نہ ہو۔ اس کے علاوہ جس طرح دہلی میں کورونا کیسز بڑھ رہے ہیں وہ مہاراشٹر اور ممبئی کے لئے مشکلات پیدا کرسکتے ہیں۔
اس کے پیش نظر مہاراشٹر حکومت یہ فیصلہ لے سکتی ہے۔ اس بات کا بھی امکان ہے کہ مہاراشٹر حکومت آج شام تک ہوائی جہازوں اور ٹرینوں کی نقل و حرکت سے متعلق فیصلہ لے سکتی ہے۔
مزید پڑھیں:
لاک ڈاؤن کھلنے کے بعد سماجی فاصلے کے ساتھ پہلی نماز جمعہ
اس سلسلے میں مہاراشٹر حکومت متعلقہ وزارتوں کو ایک تجویز بھیج سکتی ہے۔ جس میں وہ یہ ذکر کرسکتی ہیں کہ کورونا کے خطرے کے پیش نظر دہلی سے ممبئی آنے والی ٹرین کی خدمات اور ہوائی ٹریفک بند کردی جانی چاہئے۔ یہ دیکھنا بھی دلچسپ ہوگا کہ وزارت سول ایوی ایشن اور وزارت ریلوے مہاراشٹر حکومت کی اس تجویز پر کیا فیصلہ لیتے ہیں۔ ابھی ان چیزوں کا انکشاف ہونا باقی ہے۔
