مہاراشٹر: ایک ہی کنبہ کے تین افراد کورونا سے متاثر

شہر جالنہ میں ممبئی سے واپس آئے ایک ہی کنبہ کے تین افراد کورونا سے متاثر پائے گئے ہیں۔

ریاست مہاراشٹر کے جالنہ میں دارالحکومت ممبئی سے واپس آئے ایک ہی کنبہ کے تین افراد جمعرات کو کورونا وائرس (کووڈ۔19) سے متاثر پائے گئے۔

سرکاری ذرائع نے بتایا کہ 'ایک خاتون اپنے شوہر اور دیور کے ساتھ ممبئی سے اپنے گاؤں واپس آئی جس کے بعد تینوں میں کورونا وائرس کی علامات نظر آنے کے بعد سرکاری ہسپتال میں داخل کرایا گیا۔

تینوں کی ٹیسٹ رپورٹ آج آئی جس میں وہ متاثرہ پائے گئے۔ کورونا وائرس کے نئے معاملے آنے کے بعد ضلع میں متاثرین کی تعداد 44 ہوگئی ہے۔