ورلی اسمبلی حلقے کی 52 چال میں واقع 62 نمبر پولنگ سینٹر پر تین ای وی ایم مشین بند پڑنے پر اسے تبدیل کرنے کا کام جاری ہے۔
سانگلی کے اسلام پور اسمبلی حلقے میں این سی پی کے ریاستی صدر جینت پاٹل کے بوتھ پر ای وی ایم مشین 45 منٹ تک بند رہی جس سے رائے دہندگان کو مشکلات کا سامنا کرنا پڑا۔ جنیت پاٹل نے مشین میں خرابی پیدا ہونے کے سبب زائد وقت تک پولنگ کرانے کا مطالبہ کیا مگر ان کے مطالبے کو مسترد کر دیا گیا۔
عثمان آباد میں بارش کے باوجود لوگ ووٹ ڈالنے کے لیے پولنگ سینٹر پر پہنچے لیکن ای وی ایم مشین بند پڑنے کے سبب ووٹنگ کا عمل متاثر ہوا۔ عثمان آباد کے کلمب اسمبلی حلقے میں ڈکسل علاقے میں ووٹرز کو انتظار کرنا پڑا۔ پولنگ سینٹر نمبر 55 پر مشین میں خرابی ہونے کے سبب آدھے گھنٹے تک ووٹرز کو انتظار کرنا پڑا۔
اس کے علاوہ امراوتی، جالنہ، وردھا، چندر پور، رتنا گیری، رائے گڑھ اور ہنگولی کے چند پولنگ مراکز پر بھی ای وی ایم میں خرابی کے سبب ووٹرز کو انتظار کرنا پڑا۔
