ریاست مہاراشٹر میں جاری سیاسی بحران کے بعد شیوسینا، این سی پی اور کانگریس نے مشترکہ طور پر دیویندر فڑنویس اور اجیت پوار کی حلف برداری کے خلاف سپریم کورٹ میں عرضی داخل کی تھی۔
سپریم کورٹ نے مہاراشٹر سیاسی بحران پر اپنا فیصلہ محفوظ کرلیا تھا ، سپریم کورٹ نے آج فیصلہ سناتے ہوئے حکومت کو 27 نومبر کی شام پانچ بجے تک فلور ٹیسٹ کرنے کا حکم دیا ساتھ ہی اس پورے معاملے کی براہ راست ٹیلی کاسٹ کرنے کا حکم دیا ہے۔
گذشتہ روز جسٹس این وی رمن،جسٹس اشوک بھوشن اور جسٹس سنجیو کھنہ کی خصوصی بینچ نے سبھی متعلقہ فریقوں کی دلیلیں سننے کے بعد کہا تھا کہ وہ منگل کو صبح ساڑھے دس بجے اس معاملے پر اپنا فیصلہ سنائیں گے۔
شیوسینا این سی پی کانگریس اتحاد نے جلد ہی فلور ٹیسٹ کرانے کا مطالبہ کیا جبکہ مہاراشٹر حکومت نے عدالت سےاس کےلئے کم ازکم 14دن دینے کی اپیل تھی۔
