مالیگاؤں: 16 سالہ لڑکی نے خود کشی

ریاست مہاراشٹر کے مسلم اکثریتی شہر مالیگاؤں میں خودکشی کے معاملات بڑھ رہے ہیں آج ایک 16 سالہ لڑکی نے اپنے گھر میں خودکشی کر لی ہے۔

مالیگاؤں شہر کے میرا داتار نگر کی رہنے والی مہہ جبین نامی لڑکی نے صبح گیارہ بجے اپنے گھر کے اندر پھانسی لگا کر خود کشی کرلی. بعدازاں پولیس کاروائی اور پوسٹ مارٹم اس لڑکی کی تدفین بڑا قبرستان میں ہوئی۔

اسی طرح جمعہ کو اخترآباد کے ایک 50 سالہ شیخ نصیر شیخ وزیر نے اپنے گھر میں پھانسی لگاکر خودکشی کر لی تھی۔

وہیں لاک ڈاؤن کے دوسرے ہفتہ میں کمال پورہ اور اسلام آباد کے دو پاورلوم مزدوروں نے پھانسی لگا کر خودکشی کی تھی۔ اس طرح سے مالیگاؤں شہر سٹی پولس اسٹیشن کے پی آئی اظہر شیخ نے پولس اسٹیشن کے احاطے میں خود کو گولی مار لی تھی۔ نیز مالی ووڈ (خدیش فلم انڈسٹری) کے کامیڈی اداکار یونس عرف جانی کے بیٹے کی پراسرر موت ہوئی۔

مالیگاؤں شہر میں ایک سال میں پچاس سے زائد خودکشی کے معاملات پیش آئے ہیں۔لاک ڈاؤن کے دوران دس سے زائد خودکشی کے معاملات سامنے آئے ہیں۔