مالیگاؤں: یوم آزادی کی 75 ویں سالگرہ کی مناسبت سے آزادی کا امرت مہوتسو منائے جانے کے پروگرام کے تحت 13 سے 15 اگست کے درمیان ہر شہری کو اپنے اپنے گھر کی چھت، تمام سرکاری نیم سرکاری و پرائیویٹ اداروں کوآپریٹیو ادارے، تعلیمی اداروں کی عمارتوں کے ساتھ لائبریری، صحافیوں کے دفتروں وغیرہ پر پرچم لہرانا ہوگا۔ ترنگا پرچم کی فراہمی کیلئے کارپوریشن نے چاروں وارڈ کمیٹیوں اور محکمہ متفرق ٹیکس وصولی میں نظم کیا ہے۔ Azadi Ka Amrit Mahotsav
اس سلسلے میں آزادی کا امرت مہوتسو کے ضلع سطح کے افسران کی جانب سے ہر گھر ترنگا مہم کے تحت مالیگاؤں ایم ایس جی کالج میں ایک میٹنگ کا انعقاد کیا گیا۔ اس میٹنگ میں پرانت آفیسر، تحصیلدار اور میونسپل کارپوریشن کے افسران سمیت شہر کی تمام اردو، مراٹھی اور انگلش میڈیم اسکولوں کے ذمہ داران کو مدعو کیا گیا۔ Har Ghar Tiranga Campaign in Malegaon
اس تعلق سے مالیگاؤں فزیکل ٹیچر ایسوسی ایشن کے ذمہ دار عبدالعزیز سر نے ای ٹی وی بھارت کو بتایا کہ ہر گھر ترنگا مہم کو کامیاب بنانے اور ملک سے محبت کے جذبے کو عام کرنے کیلئے 13 اگست صبح 7 بجے شہر کی تمام اسکولوں سے طلبہ و طالبات کی ریلی نکالی جائے گی۔ Malegaon Physical Teachers Association
وہیں فزیکل ٹیچر ایسوسی ایشن کے رکن عبدالستار سر نے بتایا کہ یہ ریلی شہر کے متعدد راستوں سے ہوتی ہوئی ایم ایس جی کالج گراونڈ پر مختلف پروگرام اور قومی ترانہ کے بعد اختتام پذیر ہوگئی۔ اس موقع پر انہوں نے تمام اسکولوں کے ذمہ داران سے اپیل کرتے ہوئے کہا کہ 100 طلبہ پر مشتمل ایک ریلی کا انعقاد کیا جائے اور اس مہم میں شرکت کرکے اسے کامیاب بنائیں۔
