ممبئی: منشیات کی اسمگلنگ کرنے والوں کے خلاف کارروائی میں سختی

منشیات فروش جس طرح ممبئی میں منشیات کی سپلائی کر رہے ہیں اسی طرح سے منشیات فروش ہوائی راستوں کا انتخاب کرتے ہوئے بیرون ممالک میں بھی منشیات سپلائی کر رہے ہیں۔

حال ہی میں نارکوٹکس کنٹرول بیورو نے ریاست مہاراشٹر کے ممبئی ائیرپورٹ پر ایک بیرون ممالک کے باشندے کو شک کی بنیاد پر گرفتار کیا تفتیش میں اس منشیات سپلائر نے اپنے پیٹ میں بھری مقدار میں نشہ آور اشیاء رکھی تھی۔

جس کے بعد اس ملزم کو جے جے اسپتال لے جایا گیا اور آپریشن کے بعد اسکے پیٹ سے ایک کلو سے زائد مقدار میں کیپسول نما کوکن ضبط کی گئی۔

ممبی ائیرپورٹ پر گزشتہ ایک برس میں تین معاملے سامنے آئے جس میں 7 کلو سے زائد کی منشیات ضبط کی گئی ہے جبکہ تین ملزمین کو گرفتار کیا گیا ہے۔ جس کی قیمت تقریباً 55 کروڑ کے آس پاس بتائی جا رہی ہے۔

دراصل سمر وانکھیڈے اپنی پہلی پوسٹنگ کے دوران ممبئی ائیرپورٹ پر تعینات تھے۔ نارکوٹکس کنٹرول بیورو میں عہدہ سمنبھلنے کے بعد انہونے اپنے اس پرانے نیٹورک کو پھر سے بیدار کیا جس کی وجہ سے ائیرپورٹ پر منشیات فروشوں پر اب لگام لگ گئی۔