مالیگاؤں:ریاست مہاراشٹر کے شہر مالیگاؤں میں قلعہ بچاؤ جن آکروش یاترا کے زیراہتمام تاریخی قلعہ کے تحفظ اور غیر قانونی تجاوز اور چھوپڑپٹی کو ہٹانے کے لئے اہنسا سرکل سے احتجاجی جلوس حمایت کا اہتمام کیا گیا جو شہر کی اہم شاہراہوں سے ہوتے ہوئے ایڈیشنل کلکٹر آفس پر اختتام پذیر ہوا۔
اس موقع پر سماجی کارکن رام داس بورسے نے کہا کہ مالیگاؤں کے تاریخی قلعہ پر کوئی کتنا بھی ظلم کرلے ہم تو قانونی لڑائی لڑنا چاہتے ہیں۔قلعہ کے اطراف قلعہ چھوپڑپٹی کے نام سے ایک بستی بسائی گئی ہے جس میں 300 سے زائد مکانات بنے ہوئے ہیں۔ اس کے علاوہ 2017 میں تاریخی قلعہ کے احاطے میں میرج ہال تعمیر کروایا۔
اس معاملے میں انہوں نے انتظامیہ پر سخت تنقید کرتے ہوئے کہا کہ جب افسران اس کی تحقیقات کے لئے قلعہ پہنچے تو اس جگہ کو مدرسہ بتا گیا تھا۔ رام داس بورسے نے مزید کہا کہ جب عدالت کے فیصلے پر مندر ہٹا دیے گئے تو پھر یہ غیر قانونی تجاوز کیوں نہیں ہٹیں گے؟
یہ بھی پڑھیں:Tipu Sultan Park Issue ممبئی کے ملاڈ میں واقع باغ سے ٹیپو سلطان کے نام کو ہٹانے کی ہدایت
انہوں نے بتایا کہ میونسپل کارپوریشن نے کئی برسوں سے غیر قانونی تجاوز کو ہٹانے کے تعلق سے لوک آیکت کے فیصلے پر کس طرح کا کوئی ردعمل نہیں کیا جس کے سبب یہ احتجاج کیا جارہا ہے۔ واضح رہے کہ مظاہرین نے جئے شری رام اور راشٹر کی رکھشا کون کرے گا آر ایس ایس جیسے نعروں کے ساتھ قلعہ کے ارد گرد چھوپڑپٹی کو ہٹانے اور تحفظ کے اقدامات کا مطالبہ کیا۔
