مہاراشٹر میں ایس ٹی کامگاروں کی ہڑتال ST Workers Strike بدستور پچھلے کئی ہفتوں سے جاری ہے۔ اس معاملے کو دیکھتے ہوئے کارپوریشن نے مستقل ملازمین کو شوکاز نوٹس جاری کر دیا ہے۔
بتایا جا رہا ہے کہ ہڑتالی ایس ٹی کارکنان کو آج سے وجہ بتاؤ نوٹس Show Cause Notice جاری کیا جا رہا ہے۔ وزیر ٹرانسپورٹ نے انہیں خبردار کیا تھا کہ وہ پیر تک کام پر چلے جائیں ورنہ سخت کارروائی کا سامنا کرنا پڑے گا۔
یہ بھی پڑھیں: ST Workers Strike: مہاراشٹر میں ایس ٹی کامگاروں کی ہڑتال جاری
واضح رہے کہ گزشتہ 8 نومبر کو ریاست بھر کے ایس ٹی کارکنان غیر اعلانیہ ہڑتال ST Workers Strike پر چلے گئے۔ ہڑتالی ملازمین کا مطالبہ ہیکہ ایس ٹی کامگاروں کو ریاستی حکومت میں ضم کیا جائے تاکہ انھیں بھی ریاستی ملازمین کی طرح تنخواہیں اور دیگر مراعات مل سکے۔
