شیوسینا کے اراکین پارلیمان، پارلیمنٹ میں پیر سے شرکت نہیں کریں گے

شیوسینا کے سینیئر رہنما و رکن پارلیمان سنجے راوت نے اتوار کے روز اعلان کیا ہے کہ ان کی پارٹی کے اراکین، پارلیمنٹ کے جاری بجٹ اجلاس میں پیر سے شرکت نہیں کریں گے۔

سنجے راوت نے ٹوئٹ کرتے ہوئے کہا کہ کووڈ 19 کی صورتحال کو مد نظر رکھتے ہوئے شیوسینا کے اراکین پارلیمان پیر سے پارلیمنٹ میں شرکت نہیں کریں گے، یہ فیصلہ پارٹی کے سربراہ و مہاراشٹر کے وزیر اعلی ادھو ٹھاکرے نے حکومت کو اس وبائی بیماری سے لڑنے میں مدد دینے پر لیا ہے۔

شیوسینا کے اراکین پارلیمان، پارلیمنٹ میں پیر سے شرکت نہیں کریں گے

این سی پی نے پہلے ہی اعلان کیا ہے کہ اس کی لوک سبھا اور راجیہ سبھا کے اراکین زیادہ تر اپنے اپنے انتخابی حلقوں میں رہ کر کووڈ 19 وباء سے لڑنے میں انتظامیہ کی مدد کریں گے۔