ممبئی: مہاراشٹر اسمبلی کے اسپیکر راہل نارویکر نے آج کہا کہ سابق وزیر اعلیٰ ادھو ٹھاکرے کے پاس شیوسینا کی صفوں میں بغاوت کے بعد ایکناتھ شندے کو ہٹانے کا اختیار نہیں ہے اور وہی اصلی شیوسینا ہے واضح رہے کہ شیوسینا کو 2022 میں تقسیم کا سامنا کرنا پڑا جب ایم ایل ایز کے ایک گروپ نے پارٹی قیادت کے خلاف بغاوت کرنے کے لیے بی جے پی کے ساتھ ہاتھ ملایا اس اقدام کے نتیجے میں ادھو ٹھاکرے کی قیادت والی مہا وکاس اگھاڈی حکومت کے خاتمے کا سبب بنی جس میں دونوں دھڑوں نے ایک دوسرے کے خلاف نااہلی کی درخواستیں دائر کی تھیں۔
انہوں نے زور دے کر کہاکہ ٹھاکرے دھڑے کے یہ دعوے کہ پکش پرمکھ کی مرضی پارٹی کی مرضی ہے قبول نہیں کیا جا سکتا۔ آئین کہتا ہے کہ پارٹی سربراہ کے پاس کوئی مطلق طاقت نہیں ہے اور انہیں قومی ایگزیکٹو کے ساتھ مشاورت سے استعمال کیا جانا چاہئے، اسپیکر نارویکر نے کہا کہ یوبی ٹی دھڑے نے یہ ثابت کرنے کے لیے کوئی مواد پیش نہیں کیا کہ قومی ایگزیکٹو میٹنگ اس بات کا فیصلہ کرنے کے لیے منعقد کی گئی تھی کہ تقسیم کے بعد کون سا دھڑا حقیقی پارٹی ہے۔ 21 جون 2022 کو جب حریف دھڑے ابھرے تو شندے دھڑا ہی شیوسینا کی حقیقی سیاسی جماعت تھی۔
اسپیکر نے کہا کہ ادھو ٹھاکرے گروپ کی جانب سے شیو سینا کے 2018 کے آئین پر غور کرنے کی پیشکش کو قبول نہیں کیا جا سکتا۔ سپیکر نے اس کے بجائے شیو سینا کے 1999 کے آئین پر انحصار کیا- جسے ایکناتھ شندے کی قیادت والے دھڑے نے 'درست آئین' کے طور پر دیا تھا۔ رہنما خطوط کے 2018 کے ایڈیشن کو غلط سمجھا گیا کیونکہ یہ الیکشن کمیشن کے ریکارڈ پر موجود نہیں ہے۔ انہوں نے کہا کہ ای سی آئی کی طرف سے فراہم کردہ شیو سینا کا آئین شیو سینا کا متعلقہ آئین ہے اس بات کا تعین کرنے کے لیے کہ کون سا دھڑا حقیقی سیاسی پارٹی ہے۔
یو این آئی
