ریاست مہاراشٹر کے دارالحکومت ممبئی میں سابق مرکزی وزیر زراعت اور نیشنلسٹ کانگریس پارٹی (این سی پی) کے صدر شرد پوار نے پیاز کے برآمدات اور درآمدات کی پالیسی کے سلسلے میں بھارتیہ جنتا پارٹی (بی جے پی) کی قیادت والی برسراقتدار مرکزی حکومت کی مذمت کی ہے۔
صدر شرد پوار نے کہا ہے کہ 'حکومت کی متضاد پالیسی کی وجہ سے پیاز کا ذائقہ کڑوا ہوگیا ہے'۔
مسٹر پوار نے کے بھجبل نالج سٹی میں بدھ کو پیاز مصنوعات اور تاجروں سے ملاقات کے دوران یہ باتیں کہیں۔
انہوں نے کہا کہ مرکزی حکومت کے پیاز کے برآمدات کو روکنے کی اجازت دینے والے متضاد فیصلے کی وجہ سے پیاز کے کسان مشکلات کا سامنا کررہے ہیں۔
انہوں نے کہا کہ مرکزی حکومت پیاز کو ضروری اشیا کی فہرست سے ہٹا چکی ہے۔
انہوں نے کہا کہ مرکز کو پیاز کے سلسلے میں پھر سے مداخلت کرنے کی ضرورت نہیں تھی۔
انہوں نے پیاز پر لگی پابندیوں کو جلد از جلد ہٹانے کا مطالبہ کیا۔
انہوں نے کہا کہ پیاز کا مسئلہ مرکز اور ریاستی حکومت کا نہیں ہے۔ انہوں نے کہا کہ وہ پیاز کے مسئلے کو مرکزسے متعلق محکموں کے سربراہوں کے سامنے اٹھائیں گے۔
انہوں نے تاجروں کو پیاز بازاروں کو پھر سے شروع کرنے کی صلاح دی اور کہا کہ ان کی پریشانیوں کو دور کرنے کی کوشش کی جارہی ہے۔
این سی پی سربراہ نے پیاز کے نقل وحمل پر لگائے گئے 25 ٹن کے کیپ پر بھی ناراضگی ظاہر کی۔
